Huet simmer also zum erste mol in dr Innestadt gsi und doert isch alles wieder chli anders gsi, sehr viel armi Luet und ich bi echt froh gsi, in ere Gruppe unterwaegs z si...
Nochene hani denn im Office uf d Mama Rosi gwartet, si isch aber nid cho, s Natel het si au nid abgno...also bin ich halt no doert blibe. Dusse ischs denn langsam dunkel worde und alli andere Volunteers usser dr Johanna sin scho gange gsi. Denn hani nomol agluete und si het gseit, dass si mi nid cha go hole, ich soel mim Bus cho. Busfahre isch au so was, wo mir huet "glernt" hen und ich ha mi ehrlichgseit nid ganz wohl gfuehlt bi dr Idee, dass ich zerst 20 Minute zur Station soet laufe und denn no in dem komische Bus soet fahre. Dorum hani denn s Taxi gno, was au nid so super isch. Dr Taxifahrer het nid mol gwuesst wo mini Colonia (so Stadtteil vo ca. 100 Hueser, wo immer nur d Awohner ihne choemme, wells am Afang sone Schranke het wo 24 Stunde am Dag so oeber sitzt und die ufe und abe macht) isch. Also ha ich s ihm miesse erklaere, sini Antworte hani leider nie verstande, well er so unduetlich gredet het... Irgendwie bini denn heimcho, aber ellei taxifahre willi so schnell nuem...
viernes, 29 de agosto de 2008
jueves, 28 de agosto de 2008
28. August 2008
Noch einere Wuche do in Honduras isch es doch mol Zit zum e bitzli was z verzelle...
Grundsaetzlich gohts mir do echt super und sone richtige Kulturschock hani nonig erlebt; was nicht ist kann ja noch werden... S isch halt scho chli andersch, wenn me do mit sim chauffierte Auto und de verdunkelte Schibe durch d Gegend fahrt und usse die arme Luet seht, wo zum Bispiel uf dr Autostroos uebernachte und so z sage jede Moment vo eim vo dene wirklich schrecklich fahrende Autos choent ueberfahre werde.
An die extremi Vorsicht wo die riche Luet do bevorzuge muess me sich au zerst gwoehne, obwohl si jo total recht hen. Ich bi also no nie im Stadtzentrum gsi und au glofe bini bis jetzt erst mit de Luet vo ICYE.
Mini Gastfamilie isch supertoll. D Mama Rosi redet extrem viel und verzellt eim immer oebis spannends, dr Papa Lovis isch eher so dr ruhigi Typ, kei Wunder bi sonere Frau ;)
Mini Gastschwester, d Julie, isch selber mit ICYE in Frankrich gsi und e mega liebi, so wie au dr Gastbrueder, dr Juan Jose. Au er will nach Frankrich, aber es brucht nuem viel und ich han en dezue ueberredet in d Romandie z cho :)
Am Wucheend bin mit de Luet vo ICYE in Valle de Angeles gsi, das isch sones Staedtli in dr Noechi vo Tegus. Doert hemmer uns so chli gegesitig kenneglernt (Vo wo bisch? Wo gohsch hi?...) und so einiges ueber s Land glernt. Obwohl ich viel scho gwuesst han, isch das echt no spannend gsi.
Ich hoff, ich schrib mol chli oefters was do druf und ihr doerfet euch gern au melde...
Also ebe, s goht mer guet - ich bi no fit und munter (usser das ich jetzt denn min Fuess will loswerde, well de vor luter Mugestich eifach unglaublich bisst...) !
Besos de vuestra Cati ( so nennt me mich do ;))
Grundsaetzlich gohts mir do echt super und sone richtige Kulturschock hani nonig erlebt; was nicht ist kann ja noch werden... S isch halt scho chli andersch, wenn me do mit sim chauffierte Auto und de verdunkelte Schibe durch d Gegend fahrt und usse die arme Luet seht, wo zum Bispiel uf dr Autostroos uebernachte und so z sage jede Moment vo eim vo dene wirklich schrecklich fahrende Autos choent ueberfahre werde.
An die extremi Vorsicht wo die riche Luet do bevorzuge muess me sich au zerst gwoehne, obwohl si jo total recht hen. Ich bi also no nie im Stadtzentrum gsi und au glofe bini bis jetzt erst mit de Luet vo ICYE.
Mini Gastfamilie isch supertoll. D Mama Rosi redet extrem viel und verzellt eim immer oebis spannends, dr Papa Lovis isch eher so dr ruhigi Typ, kei Wunder bi sonere Frau ;)
Mini Gastschwester, d Julie, isch selber mit ICYE in Frankrich gsi und e mega liebi, so wie au dr Gastbrueder, dr Juan Jose. Au er will nach Frankrich, aber es brucht nuem viel und ich han en dezue ueberredet in d Romandie z cho :)
Am Wucheend bin mit de Luet vo ICYE in Valle de Angeles gsi, das isch sones Staedtli in dr Noechi vo Tegus. Doert hemmer uns so chli gegesitig kenneglernt (Vo wo bisch? Wo gohsch hi?...) und so einiges ueber s Land glernt. Obwohl ich viel scho gwuesst han, isch das echt no spannend gsi.
Ich hoff, ich schrib mol chli oefters was do druf und ihr doerfet euch gern au melde...
Also ebe, s goht mer guet - ich bi no fit und munter (usser das ich jetzt denn min Fuess will loswerde, well de vor luter Mugestich eifach unglaublich bisst...) !
Besos de vuestra Cati ( so nennt me mich do ;))
Suscribirse a:
Entradas (Atom)