Essen und Trinken

Zum Schluss vo dene paar neue Idraeg will ich euch no chli nidisch mache ;)
Es git do naemlig superfeini Sache zum Esse und zum Trinke. So ernaehr ich mi also v.a. vo Granita de Cafe und fruesche Fruchtsaft (Licuados) wo me an jedem Ecke cha chaufe. Ab und zue versuech ich e Frucht wo ich nid kenn (also eifach s Spanische Wort) und huet hani zum Bispil sone Granita de Tamarillo - mit Baumtomate gha, ganz grusig ;) s schmeckt wie Zwetschge oder so und ich has grad an mini taiwanesischi Fruendin witergverschennkt, si hets gern gha. Das het mir immerhin zeigt, dass mis Spanisch doch nid so schlecht isch, well ich s Wort jo nid mol uf Duetsch kenn...
Usserdem macht d Rosi super-feine Maracuja-Saft us de Fruecht wo grad nebe mim Zimmer wachse...
Ansunste esse mir do in minere Familie vor allem Tortilla (us Mehl, Mais oder was au immer) mit Poulet, Mantequilla, Queso, Salat und Tomate. Frijoles (Bohne) mache d Navarros zum Glueck nid so oft, aber si dien mi immer demit aergere, well si genau wuesse, dass ich in La Esperanza jedi Mengi Bohne wird (miesse) aesse...hoffentlich nid!!! Zum Dessert gits Glace oder Schoggi us dr USA...