Mein Schulalltag

Jede Morge fahr ich um 7.30 zum Spanisch-Unterricht. D Lehrerin chunt nid selte z spot (Honduran Lifestyle sage mir dem...) Dr Unterricht goht immer bis am 12i (also mir hoere meistens chli friener uf: so am 11.20h) und nochene cha me denn dr ganz Dag mache was me will. Gescht bin ich zum Bispiel mit 2 Kollege go "Wanted" luege und ha dezue Popcorn mit Matequilla anstatt Salz gaesse. E fettigi Sach, aber echt fein ;) Dr Film isch sehr speziell...aber ganz witzig. Mir hen eifach oebis anders erwartet... Nochene lebt me denn meistens eifach so vor sich ahne. Do het echt keine e Agenda oder so was. Me goht oebis go drinke, trifft zuefaelligerwis es paar Kollege und beschliesst im ene Restaurant no chli oebis go aesse. Die Person wo mim Auto unterwegs isch het denn am Schluss no e kleins Reisli vor sich, well si alli heimbringt...